E L D V A R N A R H U R Ð I R   O G   A Ð R A R   S T Á L H U R Ð I R

Glófaxahurðir
Aðalframleiðsluvara fyrirtækisins eru hinar landsþekktu Glófaxa eldvarnarhurðir sem hafa hlotið almenna viðkenningu á markaðinum fyrir gæði og áreiðanleika.

 

 Glófaxa EI 60 hurðir


Brunamálastofnun hefur yfirfarið innsend gögn um Glófaxa EI 60 eldvarnarhurðir úr stáli, 50 mm þykkar.
Hurðirnar eru yfirfelldar. Byrði hurðarinnar er úr 1.25 mm þykku stáli, punktsoðnu á grind úr Z formuðum bitum. Í grindina er fyllt með steinullarmottum 100 kg/m3 frá Steinullarverksmiðjunni.
Karmar og þröskuldar eru gerðir úr sérbeygðum 2.0 mm þykkum stálplötum. Lamirnar eru sérsmíðaðar fyrir hurðirnar og eru felldar í hanka í hurðarblaði en rafsoðnar í karm. Læsingar eru úr stáli. Fúgubreidd milli hurðarblaðs og karms er mest 3 mm og skal búin þanlista fyrir heitan reyk. Eigi hurðin að fá flokkun sem EI 60S skal komið fyrir hitaþolnum gúmmílista í fúgunni og með viðurkenndum lokunarbúnaði flokkast hurðin sem EI 60CS
Hurðirnar skulu settar upp og frágengnar í samræmi við leiðbeiningar framleiðanda og merktar með nafni framleiðanda og ofangreindu tilvísunarnúmeri í bakkant hurðarinnar við efstu löm.

Framlenging á viðurkenningu með tilvísun 2006070087  dags. 27.07.2006

Viðurkenningin er gerð með vísan til 25. gr. laga nr. 75/2000 um brunamál og gildir  á meðan þær reglugerðir sem viðurkenningin byggir á eru í gildi en  þó ekki lengur en til 24.11.2012



Allar stærðir, einfaldar, tvöfaldar, rennihurðir???
Eldvarnarhurðirnar eru framleiddar í mörgum gerðum og stærðum allt frá því að vera lúgur til að loka einstökum hólfum upp í hurðir sem eru margir fermetrar að stærð Stærstu hurðirnar, sem framleiddar hafa verið eru yfir 6 metrar á hæð og rúmir 4 metrar á breidd.

Öryggishurðir
Eldvarnarhurðir gegna ekki einungis því hlutverki að koma í veg fyrir útbreiðslu elds heldur hefta þær einnig för innbrotsþjófa miklu betur heldur en venjulegar tréhurðir. Glófaxi framleiðir einnig hurðir sem sérstaklega eru ætlaðar sem öryggishurðir, með þriggja punkta læsingu og öflugri skrám en þörf er á ef einungis er ætlunin að tefja hugsanlegan eld.

Felliþröskuldar og karma útfærslur

                                 
Felliþröskuldar undir flestar gerðir Eldvarnarhurða í ýmsum stærðum frá 365 til1300mm